ഐറിഷ് ക്യാന്‍സര്‍ സൊസൈറ്റിയും, മോട്ടോര്‍ ന്യൂറോണ്‍ ഡിസീസ് അസോസിയേഷനും ചേര്‍ന്ന് നടത്തിയ ‘ചാരിറ്റി വാക്കി’ല്‍ പങ്കുചേര്‍ന്ന് ഡബ്ലിന്‍ മലയാളം സംഘടനയും. ബ്ലാക്ക് റോക്ക് ഹെര്‍മിറ്റേജും സംഘാടനം വഹിച്ച പരിപാടിയില്‍ മലയാളം അസോസിയേഷനെ പ്രതിനിധീകരിച്ച് സെക്രട്ടറി വിജയാനന്ദ് ശിവാനന്ദന്‍, ട്രഷറര്‍ ലോറന്‍സ് കുര്യാക്കോസ്, ഭാര്യ സിനി എന്നിവര്‍ പങ്കെടുത്തു.
മെയ് 8-ന് ബ്രേയിലെ സീഫ്രണ്ടിലായിരുന്നു ചാരിറ്റി വാക്ക്. ക്യാന്‍സര്‍ രോഗികള്‍, മോട്ടോര്‍ ന്യൂറോണ്‍ രോഗം ബാധിച്ച് കഷ്ടതയനുഭവിക്കുന്നവര്‍ എന്നിവരെ സഹായിക്കാനായി ഫണ്ട് സ്വരൂപിക്കാനായിരുന്നു പരിപാടി സംഘടിപ്പിച്ചത്.
