മലയാളം കേരള കള്‍ച്ചറല്‍ അസോസിയേഷന്റെ പഴയ ഭാരവാഹികളും, പുതിയ ഭാരവാഹികളും, മലയാളവുമായി ഹൃദയബന്ധം സൂക്ഷിക്കുന്നവരും ഒത്തുചേരുന്ന മെഹ്ഫില്‍ സന്ധ്യ ഒക്ടബോര്‍ 2 ഞായറാഴ്ച താലയില്‍. താലയിലെ സെന്റ് മാര്‍ട്ടിന്‍ ഡി പോറസ് നാഷണല്‍ സ്കൂളില്‍ വൈകീട്ട് 5 മുതല്‍ രാത്രി 9.30 വരെയാണ് ഈ സൗഹൃദ സായാഹ്നം സംഘടിപ്പിക്കപ്പെടുന്നത്. അംഗങ്ങള്‍ പാട്ടുപാടിയും, കുശലം പറഞ്ഞും, കവിതകള്‍ ചൊല്ലിയും ഒത്തുചേരുന്ന ഒരു അവിസ്മരണീയ സായാഹ്നമാണ് ഈ പരിപാടിയിലൂടെ മലയാളം ലക്ഷ്യം വയ്ക്കുന്നത്.
